பிரைன் சிப் பதித்த இதயம்

குளிர்ந்த டிசம்பர் இரவில் இவ்வுலகம்
யோக நித்திரை பயிலும் இரண்டு மணி
என் மூளை வீக்கத்திற்கு அறுவை சிகிச்சை,
"cerebral palsy-தான் இது.
இன்னும் பிறக்காத குழந்தை போல்
மெல்லியதானது இவன் மனம்,
wrong diagnosis, surgery failed"
குறிப்பெழுதினார் மருத்துவர்.
மருத்துவரின் மேசை மேல் நின்ற மூளை
அறுபட்ட நிலையில் யோசித்தபடியே
"இன்று நீ யார்? நானில்லை உன்னோடு"
என்றதும், உரத்து சிரித்தேன் நான்
"எனக்கு இதயம் மட்டும் போதும்"
மருத்துவரிடம் " இன்று மேசை பூக்களை
மாற்றவில்லை நீங்கள்" எனக்கூறி
விடை பெற்றதென் மூளை.
பிளாட்டினம் பதித்த சாலையில்,
warp drive lane-னில் மெல்ல
நடந்தபடியே, brain chip
பதிக்கப்பட்டவென் இதயம்
மழையின் வாசத்தை நுகர்ந்தது.


.