சொல்லாதது ஒரு சொல்

உன் விழிகளில் உயிர்
விடத்தான் நினைத்தேன்
ஏனோ இன்றெல்லாம் உன்
நிழல் கூட அச்சம் தருகிறது
அன்று போலவே உன் முகம் திருப்பி
அந்நியன் போல செல்வதற்கு
என் முன் எதிர் பட்டு விடாதே நீ-
அன்றெரித்த இதயம் சுமந்துதான்
நீ இருக்கும் வீடு வழி
ஒளிந்தொளிந்து நடக்கிறேன்
யாரேனும் சொல்லுங்கள் அவனிடம்
வராதே என் நினைவில் என்று!

விழிகளின் வார்த்தை சொல்லி
இதயம் கவர்ந்தாய் நீ,
உன் பெயர் சொல்லும் ஆனந்தம்
கொண்டாட முடிவதில்லை.
உன் நினைவு தரும் துன்பங்களை
மறைக்கவே முடியவில்லை.
வெற்றி பெற்றேன் என்று சொல்ல
உன் காதலை வென்று விட்டேன்
உன்னையே வென்றுவிட தினம்
தோற்றுக்கொண்டே இருக்கிறேன்
மேகங்கள் போல எண்ணமெல்லாம் இடிக்கையிலே
எல்லாம் சொல்லிவிட்டு, சொல்லாதது எல்லாம்
சொல்லாமலே சொல்லிவிட்ட எல்லாமும்
சொல்லி நின்று விட்ட என் மௌன விழி திறந்து
உன் தோள்களில் பொழிந்து விடத்தான் ஆவல்.


.