சூரியக்கசிவுகளைச் சிதைக்கும் மின்னல்

thanks: google images

எங்கிருந்தோ தெறிக்கும்
ஒற்றை மழைத்துளியின் வேகத்தில்
தண்ணீர்  கிழிக்கும் துடுப்புக்கள்
உடைந்த ஓடுகள் சிப்பிகள் சங்குகள்

தலையுயர்த்தி எழும்பும் கதிரொளி
தெறிக்கும் முகடுகள் - பற்கள்
மெல்-உதட்டு அடிவானம்
மற்றும்
கடலலைகளைப்  போன்று
பேசிக்கொண்டே இருக்கின்றாய் நீ..

நிசப்தமாய் சூரியக்கசிவுகளைச்
சிதைக்கும் மின்னல்
முடிவில்லா உப்புக்காற்றில்
பூஜ்ஜிய நடுக்கத்தில் ஒளிர் தீபம்

நான்
என் மௌனத்துடன்.