அஸ்வத்தாமனின் நெற்றி வடு

இரவில்தான் தயாராகின்றன
இன்றையத் தலைப்புச் செய்திகள்

இரவில் நிகழ்பவை
செய்தியாளனுடன் உறங்குகின்றன
எதிர்சாலையில் உயிருடன் கொளுத்தப்படுகிறது
நாளைய செய்திக்கான மரணம்

நாளையத் தலைப்புச் செய்திகளில்
பீஷ்மனின் மரணம் -
திருதராஷ்டிரனுக்கு வாரிசு நூறு

யுகயுகமாய் நெற்றிவடு சுமந்து திரியும்
அஸ்வத்தாமன் நர்மதையாற்றங்கரையில்
அர்கியம் செலுத்தும் போது
உரைத்தது:
"நாளை இவ்வுலகம் நிச்சயம் அமைதி பெறும்"