leftover பக்கோடா

தமிழ்மண தரவரிசைப் பட்டியலில் 70வது இடத்தில் பக்கோடா பேப்பர்களும் வரிசைப் படுத்தப்பட்டுள்ளது. வெற்று அரசியல் reference-சுகளால் "விதூஷ்" என்று கூகிளில் search செய்யப்பட்டு, வம்பு அறியும் ஆவலோடு அதிகரித்த ஹிட்-க்களால் தரப்பட்ட "தரம்" என்பதை நன்கு அறிவேன்.

இது traffic அடிப்படையில் மட்டுமே கணிக்கப்பட்டிருக்கும். அதனால், traffic அதிகரிக்க என்ன வேண்டுமானாலும் அன்றைய ஹிட் பரபரப்பிற்குச் செய்யும் கேலிக்கூத்து போக்கு பதிவர்களிடையே அதிகமாகும். தரமாய் எழுதுவது ஒருவேளை குறையலாம்.

எப்படியும் நமர்த்துப் போன பக்கோடா ருசிக்காது, அதை வீணாக்காமல் மறுநாளைக்கு வடைகறியாகவோ, பருப்புருண்டை குழம்பாகவோ மாற்றி leftover சமையல் செய்து கொள்ளும் சாமர்த்தியம் போல இப்படியொரு அடையாள அங்கீகாரம் பக்கோடாவுக்குத் தேவையாக இருக்காது. மொருமொரு வென்று சாப்பிட்டுக் கொண்டு அன்றன்றைக்கு புதியதாக சமைத்து சாப்பிடுவதாக இருப்பதே விருப்பம்.

ஹிட்டுக்களால் ஆன தரவரிசை race-சில் ஆர்வமில்லாத ஒரே காரணத்தால் தமிழ்மணம் மற்றும் தமிழிஷ் ஆகிய திரட்டிகளில் இருந்து விலகுகிறேன். வேறெந்தத் திரட்டியிலும் இணையவில்லை.

எப்போதும் போல தினமும் கடுகெண்ணையில் பொறித்த பக்கோடா, கூகிளே கடையை மூடும் வரை, பல ரகமாய் வந்து கொண்டே இருக்கும். தனிப்பட்டக் காரணங்களால் சக பதிவர்களுக்கு மறுமொழிகள் இடுவதை பெருமளவில் குறைத்துக் கொள்ள நேர்ந்தது. ரீடர் மூலம் படிப்பதும், பிடித்திருந்தால், தனி ஈமெயில் மூலம் என் கருத்துக்களைப் பகிர்கிறேன். இனியும் தொடரும்.