புலப்படாத நூலிழைகளால் பின்னிய அடிவானம்

அன்றைய எனதந்த வேண்டுகோள்
இன்னும் நிராகரிக்கப்படாத மௌனமாகவே
உன் மௌனத்தைப் பற்றியபடி நான்
நீண்டதொரு இடைவெளியாய் வாழ்வும்

நீயும், சில சொற்களுமாய் பின்னிய உன் குரல்
எனக்கும் கேட்கவில்லை
விசித்திரம்தான்
உன் கனவுகளை ஒலிக்கும் என்னிதயம்
ஒரு சில நிமிடங்களுக்கான அங்கீகாரம்
தந்து உன் மௌனம் உடைந்ததும்
மீதமிருக்கும்
வார்த்தைகள் வழிந்தோடி விடும்
பயத்தில் அணை-க்கும் விரல்களுக்கு
புலப்படாத நூலிழைகளால் பின்னிய
அடிவானைப் பற்றி
சொல்வதற்கேதுமில்லை