பழுப்பேறிய கவிதை

புழுதியும் பழுப்புமாய் கிடக்கும்
புத்தகங்களைப் போலவே,
அமைதியாய், தனியாய்,
அழுந்திக் கிடக்கும்
நினைவுகளைக்  கிளறிச்செல்லும்
மீள் வாசித்த பழைய கவிதையொன்று.

என்றேனும் வெளிவரத் துடிக்கும்  
பழுப்பேறிய பக்கங்களுக்கு
உயிரூட்டிக் கொண்டே
அப்படியேதான் கிடக்கின்றன
பழையதாகிப் போகும்
பக்கங்களைப் போல இல்லை,
பக்கங்களில் பதிந்துவிட்ட வார்த்தைகள்.