களைத்த நாயின் குரல்

இனி
அடமானத்துக் காகிதங்கள்
எனக்கான
துர்மரணங்களை நிர்ணயிக்காது
எம்மகளின் சொத்தாகவுமிருக்கும்

இனி எனக்கு
முகமூடிகளை மாற்றி மாற்றியணியும்
நிர்பந்தம் இருக்காது

இனி
வீடு நோக்கி பயணிக்கலாம்
திரிவேணிக்கு காத்திருக்காது
என் தாயின் அஸ்தி

இருண்ட நகரின் குகையில்
ஒலிக்கும் களைத்த நாயின் குரல்
நிரம்பிய காதுகளை மூடும்
ஏதுமற்ற என் விரல்கள்