மதோசா மாவு

1974-லிலிருந்து அரைத்து அரைத்து ஒரு வழியாய் மதோசா அஹ்.. அஹ்.. 33 மசோதா இன்று நிறைவேறி விட்டது.

இனிமே கவலையே இல்லை. இப்போல்லாம் பெண் குழந்தைதான் நிறையா பிறக்கிறதாம். கள்ளி பாலுக்கு தேவையே இருக்காது. நம்ம கோண குப்பத்து எம்.எல்.ஏ-வுக்கு பெண் வாரிசு மட்டும்தான். வாரிசு அரசியலுக்காக ஆண் குழந்தை பெற்றுக் கொள்ள அடுத்த தெரு எட்டாம் வீட்டுக்காரியையும், கீழ் தெரு கடைசி வீட்டுக்காரியையும் பாலிகமி என்ற பெயரில் மணந்து கொள்ளத் தேவை இருக்காது. பெண் பிள்ளைகளையே வாரிசாக அறிவித்து விடலாம்.

இன்னும் பல பெண்கள் சாதா தோசா-வாகஅடுக்களையில் இருந்து வெந்து போகாமல், ஊசிப் போன மசாலா தோசா-வாக ஆட்டுவிக்கப்பட, சாக்கடைஅரசியலுக்குள் வரவும், இன்னும் பல அரசியல்வியாதிகள் தம் வீட்டுப் பெண்கள் பின்னால் நின்று கட்ட பஞ்சாயத்து அரசியல் பண்ணிக் கொள்ளவும், ஏதாவது குற்றமாகிப் போனால், அவளை விட்டே "என் சீலையை அவன் உருவினான்" என்று எப்.ஐ.ஆர் கொடுத்து எதிர்ப்பவர்கள் முட்டியை பெயர்க்கவும், தேசிய அளவில் வழி வகை கிடைத்து விட்டது.

எங்க "தீதி" மாயாக்கா பிரணாப்-பை கீழே தள்ளி ஒரு அருமையான பட்ஜெட் கொடுத்து இந்திய பொருளாதாரத்தை எங்கயோ கொண்டு போகப் போறா பாருங்க.. (என்ன பெட்டு...)

யார் கண்டார்கள், அடுத்த தேர்தலில் யானைகளோடு, ராக்கி சாவந்த் போன்ற தேசிய முக்கியத்துவம் பெற்ற, சமூக அக்கறை கொண்ட, புரட்சிகர பாலிவுட் பூனைகளும், கேட் வாக்கிங் செய்து கொண்டு பார்லிமெண்டுக்கு வரலாம். டிக்கட் டு பார்லிமென்ட்...

ஆமா... 33 என்ன 33.. பாக்கி 17 கிடைச்சாத்தானே சம உரிமை? கேட்கிறார்கள் இங்கே
வாழ்க ஜனநாயகம். வாழ்க ஈயப் பித்தளை வியாதிகள்.

"டாக்டர்" அஷோக், பலா பட்டறை ஷங்கர், கார்கி போன்றவர்கள் பார்த்து ஏதும் போராட்டம் பண்ணி ஆணீயம் வளர்த்தால் உண்டு.. இல்லை என்றால் மன்மோகன் கதிதான் உங்களுக்கும் என்று இப்போதே சொல்லிகிறேன். அப்புறம் 'முன்னமே சொல்லி இருக்கலாமே அக்கா"ன்னு புலம்பப் ப்டாது...

யாரவது தெரிஞ்சவங்க விளக்குங்கள்... மனித சமூக சம உரிமைகளையும், மனிதனுக்கான விடுதலையையும் பற்றி... ஆண் பெண் வித்தியாசங்களைப் பின்னால் பார்த்துக் கொள்ளலாம்..

(லீவு போட்டுட்டு நிம்மதியா இருக்க விடறாங்களா பாருங்க.. )