எங்கிருந்தும்... எங்கும்
சென்று சேர்கின்றன
அவன் கால்கள்
வெகு சாதாரணமாக
அந்தச் சாதாரண நடையால்
பூமி தட்டையாகிறது
அந்தக் கால்கள் இயங்கும் போதெல்லாம்
அது எங்கிருந்து செல்கிறதோ
அங்கே மீண்டும் வருகிறது
ஒரு துன்பத்திலிருந்து
அடுத்தத் துன்பத்திற்கு
நகர்வதைப் போலவே
தன் துன்பங்களைத் தொடர்ந்து
நடக்கின்றன அக்கால்கள்
மிகச் சாதாரணமாக.
- விதூஷ் / 9.May.2022
0 comments:
Post a Comment