இறுதிச்சேர்க்கை

வசித்து வந்த  அத்தருணங்களை அனைத்தும் 
ஆகாசகங்கையில் கரைத்துவிடவும்.
பின்னர், 
ஆதியந்தமற்றப் பெருவெளியிலிருந்து எழுந்து 
மிதக்கும் தருணங்களை நிரப்ப

Image Source:  commons.wikimedia.org/wiki/
File:Mithras_banquet_Louvre_Ma3441.jpg‎

ஒரு ஆழமான கிணறு தோண்டவும்.
தாளிக்க
உணர்வுகளின் எதிரொலிகள்
அவியாத நினைவுகள், மற்றும் 
எதிர்பார்க்கப்படுபவை  வழங்கப்பட்டவை
பெறப்பட்டவை அபகரிக்கப்பட்டவை 
அனைத்தும் இரண்டிரண்டு எண்ணிக்கையில்.
நிராகரிக்கப்பட்டவற்றை அளவாகச் சேர்க்கவும்.
மற்றும் ஒரு இறுதிச் சேர்க்கையாக 
முடிவில்லாத கவிதை கலந்து 
வேள்வித் தீயில் ஹவிஸிடவும்.