உங்கள்ள யாரு அந்த அதிர்ஷ்டசாலி

ப்ரபல கவுஞ்சரான எனக்கு பொறாமை நோய் தாக்கிவிட்டது. போதாக்குறைக்கு பிரபல பதிவர் கோபி ஆர் வேறு எனக்கு  ஃப்லோ விட்டுப் போச்சு என்று சொல்லிட்டார். எங்க அடுத்த வீட்டு பதிவர் மற்றும் என் ஒரே தம்பிக்கு வாழ்க்கை கொடுத்த புண்ணியவதி மற்றும் பிரபல கதாசிரிய எழுத்தாள இலக்கியவாதி ஸ்கிரிப்ளிங்க்ஸ் வித்யா-வுக்கு உலகெங்கும் வாசகர்கள் பறந்து விரிந்து இருக்கிறதைப் போலவே எனக்கும் நைஜீரியாவில் (ஒரே) ஒரு வாசகர் இருக்கார்.... ஒலக இலக்ஸ் ஆகலாமா ... ன்னு ஒரே இன்செப்ஷன்... அதுக்கு தனியா ப்ரொஜெக்டர் ஏதாவது வாங்கணுமா...ன்னு ஒரே ரோசனை.

உடனே பக்கத்தில் சிப்ஸ்சை நொறுக்கியபடி அமர்ந்திருந்த ஆஸ்திரேலிய நண்பர் அமேரிக்கா போனால்தான் குறைந்த விலையில் நயமான தரமான நல்ல ப்ரொஜெக்டர்ஸ் கிடைக்கும் என்றார்.

அமெர்க்காவெல்லாம் நம்பிள்கு அடுத்த வீடு மாதிரி.. இப்படித்தான் போன தரம் போன வாரம் லண்டன் மாநிலம் போயிருக்கும்போது ஒரு வாசகர் வந்து அப்படியே கையில் இருக்கும் பர்சை எல்லாம் அடிச்சு கிட்டு போயிட்டார்.. .எவ்ளோ பிரியம் நம்ம மேலன்னு அப்டியே புல்லரிச்சுப் போயி, ரோட் சைட்ல துண்ட விரிச்சு உக்காந்துகிட்டேன்... என் கவுஜை புக்கு ரிலீஸ் பண்ணிருந்தாக்கூட அவ்ளோ கலெக்ஷன் வந்திருக்காது என்பதை நினைச்சு அப்பிடியே கண்ணெலாம் கலங்கிடுச்சு.

முடிவா நானும் இலக்கியவாதி ஆகோனும்னு எங்க சங்கத்துல முடிவாயிடுச்சு. அதுனால அடுத்த வருஷம் பொஸ்தக காட்சிக்கு பல கலைஞர்கள் ஒன்று கூடும் விழாவொன்றை உங்கள் செலவில் நடத்தி, என் புஸ்தகத்தை வெள்யீடு பண்ணிரலாம்னு தீர்மானமாயிருச்சு.

கவுஜை புத்தகத்துக்கு முன்னுரை எழுத எங்கள் தளபதி நசரேயன், பொழிப்புரை எழுத என் பொறாமைக்கு வித்திட்டு கவுஜை புத்தகம் ரிலீஸ் பண்ண ஒரே காரணமாய் இருக்கும் போட்டியாளர் ஸ்கிரிப்ளிங்க்ஸ் வித்யா ஆகியோரை அழைக்கிறேன்.

புத்தக விமர்சனம் பண்ணுவதற்கும், என் கவுஜை புஸ்தகத்தை பெற்றுக் கொண்டு விலாவை சிறப்பிக்கவும் தான் ஆளே கிடைக்கலை... அப்போ உங்கள்ள யாரு அந்த அதிர்ஷ்டசாலி...?

சோடா ப்ளீஸ்.