போஸ்ட் இட் வரிகள்

மூன்று பேரும்
ஒன்றாக அமர்ந்திருக்கிறார்கள்
நாலேமுக்கால் விதிகளைப்
பற்றிக் கொண்டு
தென்மேற்கு தெற்கு மேற்கு
திசைகளைப் பார்த்தபடி
=============================
பிரயாகத்திலொரு துகள் நான்
நீ அலைகளையருந்தும் கடல்
=============================
இவ்வளவு பெரிய நிலப்பரப்பில்
மட்டுமே புலப்படுகிறது
எல்லைக் கற்கள்
=============================
பிச்சைக்கு இறைஞ்சி நிற்கும் சிறுமிக்கும் கூட
கட்டாயம் வேண்டும் இனப்பெருக்கத்தடை
குழந்தைகளைப் பணிக்கு அமர்த்தாதீர்கள்
என்ற விளம்பர வாசகம் இருக்கும் ரயிலில்
சிதைந்து போன நிறங்கள் கசியும் இரவில்
இனி பயணிக்கக் கூடாது
=============================